Darpariaeth Gwasanaeth a Strwythur Ffioedd AFKA Cymru

Cyrsiau wedi'u comisiynu (Dysgu a Datblygu Grŵp)

Mae’r digwyddiadau hyn fel arfer yn cynnwys un ymgynghorydd hyfforddi neu gyfuniad yn dibynnu ar y cynnwys.

Rydym yn argymell uchafswm o 20 yn bresennol er mwyn galluogi’r cyfranogiad gorau, ond gellir cytuno ar niferoedd ar sylfaen unigol.

Rydym yn cynnig amrywiaeth eang o gyrsiau hyfforddi ac yn dylunio cyrsiau pwrpasol i ddiwallu anghenion unigol.

Mae opsiynau cyflenwi byw yn cynnwys wyneb yn wyneb, trwy blatfform hyfforddi AFKA neu ddewis platfformau ar-lein y comisiynydd.

Gweithdai

Dylunir ein rhaglen gweithdai i ddiwallu anghenion datblygiad proffesiynol parhaus y rhai sy’n gweithio ar draws y sector sefydlogrwydd plant a theuluoedd.

Gellir cyflenwi gweithdai fel rhai wyneb yn wyneb neu fel gweminarau byw. Mae’r cynllun gweithdai yn cael ei ddiweddaru’n rheolaidd ac yn unol â datblygiadau arfer cyfredol a newidiadau mewn deddfwriaeth neu ganllawiau.

Gofalwyr Maeth/Gwarcheidwaid Arbennig/Mabwysiadwyr – Rydym yn cadw lle am ddim ar bob digwyddiad AFKA Cymru (ar wahan i weithdai DDP) ar gyfer dau o unigolion sy’n cynnig gofal i blant a oedd yn derbyn gofal yn flaenorol neu sy’n ei dderbyn ar hyn o bryd. Mae llais gofalwyr maeth, mabwysiadwyr a gwarcheidwaid arbennig yn ganolog i bob elfen o’n gwaith yn AFKA.

Cliciwch yma er mwyn gweld ein rhestr gweithdai a phrisiau

Cynadleddau

Dylunir ein cynadleddau gyda datblygiadau ymarfer, ymchwil perthnasol, ac arfer gorau mewn golwg. Siaradwyr arbenigol profiadol a chyfleoedd i rwydweithio.

Gofalwyr Maeth/Gwarcheidwaid Arbennig/Mabwysiadwyr – Rydym yn cadw lle am ddim ar bob digwyddiad AFKA Cymru ar gyfer unigolion sy’n cynnig gofal i blant a oedd yn derbyn gofal yn flaenorol neu sy’n ei dderbyn ar hyn o bryd. Mae llais gofalwyr maeth, mabwysiadwyr a gwarcheidwaid arbennig yn ganolog i bob elfen o’n gwaith yn AFKA.

Hwyluso Cynhadledd

Mae ein tîm yn fedrus ym maes cynllunio digwyddiadau a gallant gynnig gwasanaeth pwrpasol ar gyfer cynadleddau a hwyluso digwyddiadau.

Mae’r pecyn sylfaenol yn cynnwys; Cynhyrchu taflen y digwyddiad (cynnwys i’w ddarparu a’i gyfieithu) a ffurflen archebu; Cymorth hysbysebu trwy ein cysylltiadau, ein cymdeithion a’n gwefan. Pob elfen o hwyluso archebu gan gynnwys cyrchu lleoliad a lluniaeth (i’ch dyraniad cyllideb eich hun y pen).

Pecynnau Dirprwyon (cynnwys i’w ddarparu a’i gyfieithu)
Presenoldeb trwy gydol y dydd (1 aelod o staff) i gefnogi ag unrhyw agwedd ar sefydlu, cyfarch, cofrestru a chau’r digwyddiad. Rydym hefyd yn gallu cynnig siop lyfrau yn y digwyddiad gyda thestunau a fydd o ddiddordeb penodol i’ch cynulleidfa eich hun.

Gwasanaethau Ymgynghori

Mae ein gwasanaethau ymgynghori’n amrywio o fentora a hyfforddi 1: 1 i adolygu a datblygu gwasanaeth llawn.

E-ddysgu

Dylunir ein modiwlau e-ddysgu i ddarparu cyfleoedd dysgu a datblygu hyblyg i ofalwyr maeth, mabwysiadwyr a gweithwyr proffesiynol.

Datblygir cyrsiau newydd yn rheolaidd i adlewyrchu’r arfer gorau a nodir gan y Gwasanaeth Mabwysiadu Cenedlaethol a’r Fframwaith Maethu Cenedlaethol

Cyrsiau Arbenigol

Rydym yn cynnig cyrsiau arbenigol eraill trwy gydol y flwyddyn.

DDP Lefelau 1 a 2
Mae’r rhain yn cynnwys Seicotherapi Datblygiadol Dyadig (DDP) lefelau un a dau.

Hyfforddiant Paratoi

Rydym hefyd yn cynnig hyfforddiant paratoi cynhwysfawr a chyfoes ar gyfer darpar rieni maeth a rhieni mabwysiadol.